Pak para mesnate, furgoni nga i cili humbën jetën 5 persona, aksident i ndodhur në Muzinë, u nxorr nga aty ku kishte rënë pas orëve përpjekje me metoda dhe mjete të posaçme.
Tashmë pritet të jetë ekspertiza teknike që do të përcaktojë se ç’arsye e ka shtyrë furgonin jashtë rrugës.
E ndërkohë që opinioni po fajëson drejtuesen e Land Roverit, drejtori i DPSHTRR-së, Blendi Gonxhe, ka kërkuar që të mos gjykohet pa dalë raporti i ekspertëve të policisë.
Sipas tij, në mot me shi Qafa e Muzinës ka qenë një rrugë e vështirë edhe për shoferët me eksperiencë. Sipas tij, 22 vjeçarja e ka marrë mjetin nga xhaxhai i saj, teksa shton se duhet pritur të analizohet edhe furgoni që ra në greminë. /sarandacity.al/
