Një sasi ndihmash e dhuratash për fëmijët e shtëpisë së fëmijës “Vangjel Pulla” mbërritën këtë të dielë për herë të parë nga Londra, pas një udhëtimi të gjatë që nga kryeqyteti britanik e deri në Sarandë.
Kjo falë dy shqiptarëve bamirës, emigrantë të atjeshëm, më kryesori Aureli Musaraj nga Mallakastra, i cili ka një fondacion me një partner britanik në Manchester, në shërbim të njerëzve në nevojë, e më pas bashkëpunëtori i tij Fatos Bala, i cili e solli vetë me furgon sasinë e destinuar pas një rruge të largët në timon.
Ai ndihet i lehtësuar tashmë për këtë mision të kryer.
Jo pak rol në këtë moment të veçantë për fëmijët e “Vangjel Pulla”-s, ka koordinatorja për Sarandën e bamirësve nga Londra, Brunilda Hita.
Në këtë organizim të dorëzimit të dhuratave, një rol ndihmëtar pati e angazhuara gjithnjë në kontribute sociale, znj. Lika Ruçi. /sarandacity.al/
