Luan Rama, kandidat i LSI-së për Qarkun Vlorë, i cili s’a rriti të merrte as ai e as partia e tij mandat, përcolli një mesazh me nevojën për reflektim.
“Me sa shumë njerëz të mrekullueshëm pata fatin të punoj në Vlorë e gjithkund tjetër, nga Mifoli deri në Konispol. Ata ishin energji dhe frymëzim, ishin mirësi, guxim dhe pozitivitet. Të përkushtuar dhe silidarë.
Edhe pse rezultati i zgjedhjeve nuk është ai që prisnim dhe për të cilin punuam, ata të gjithë janë të njejtët edhe mes lotëve të zhgënjimit, edhe mes mirësisë së dashurisë së tyre. Asnje peng që kandidova në Vlorë”, shkruan Rama.
Sipas tij, qenë sajesa të kundërshtarit ato që Meta e Kryemadhi nuk donin që votat të shkonin te ai.
“Asnjë mëdyshje për zgjedhjen për të qëndruar bashkë kundër të gjithëve që i patëm kundër, anipse ata kundër nuk ishin pak e çfarë nuk bënë të na përçanin, çfarë nuk sajuan e çfarë nuk derdhën rrugëve të Vlorës duke shpifur e trilluar ligësisht, duke ndërsyer natën e ditën gjithëfarë hijenash e çakejsh që nuk kanë instikt tjetër përveç të përdoren.
Sot qytetarët e Vlorës janë me mua, janë me të gjithë ne qëndrestarët e LSI-së.
Respekti dhe admirimi i tyre janë vota më e vlefshme, e prej detyrimit të mirënjohjes unë jam e do të jem në Vlorë”, thotë ndër të tjera Luan Rama. /sarandacity.al/
