Kandidati i mazhorancës në Sarandë, Niko Kuri, ka bërë një premtim të paartikular deri më sot nga goja e ndonjë politikani apo aspiranti në politikë.
“Do të jem gjithmonë me të drejtën…”, ka qenë premtimi i tij, dhënë në një kohë kur politika, edhe më shumë se drejtësia, akuzohet për padrejtësi.
“Me shumë respekt dhe dashuri më pritën burrat dhe gratë e fshatrave Nivicë, Shën Vasil, Lukovë, Piqeras dhe Himarë. Përpara këtij vlerësimi ndjehesh borxhli përpara këtyre njerëzve të mençur të Bregdetit.
Është mëse i qartë problemi për të cilin ata luftojnë për vite me radhë, ai i pronave.
Do të jem gjithmonë me të drejtën e tyre me qëllim që ata të ndjejnë sigurinë e merituar në vendin ku kanë lindur dhe jetojnë dhe kjo zone – perlë e jugut – të lulëzojë ashtu siç e meriton në një pranverë të vërtetë”, shkruan Kuri, njëherësh mjek i njohur i Spitalit të Sarandës. /sarandacity.al/
