Eshtë shkarkuar shefi i Komisariatit të Sarandës, një ditë pas kryeministri Rama kërkoi një furtunë ndëshkimore për këtë Komisariat, me shkak ngjarjen në “Orange”.
Syrja Bello do të zëvëndësohet nga Klodian Kondi në krye të Policisë së Sarandës, ndërkohë që nuk dihet nëse do pasojë dhe ndonjë procedim penal ndaj tij, pasi këtë kërkoi i pari i qeverisë në takimin e së enjtes me krerë të Rendit.
“Kush janë këta pronarë lokalesh në zonën bregdetare që në mënyrë të hapur shkelin ligjin e tejkalojnë orën policore.
Krijojnë hapësirë abuzimi që degjeneron deri në krisma dhe plagosje në mes të një dynjaje të tërë.
Këta janë tutorët e policisë në atë territor.
Këta janë korruptuesit e policisë së shtetit. Janë abuzuesit më të mëdhenj me uniformën e policisë së shtetit që tërheqin prej hunde policë e shefa komisariatesh duket i kthyer në roje të aktivitetit të tyre të paligjshëm.
Rasti i Sarandës ishte alarmant.
Ai rast duhet të çohet në ndëshkimin penal të gjithë zinxhirit të komandës në Sarandë”, do thoshte Rama. /sarandacity.al/
