Nga 1 korrik, në Sarandë janë 100 të arrestuar ose ndaluar. Sipas burimeve zyrtare, shumica e tyre kanë rënë në prangat e Policisë për çështje droge, vjedhje, ndërtim të paligjshëm dhe shkelje të rregullave te qarkullimit. Po nga 1 korriku janë sekuestruar 3 pistoleta dhe 1 kallashnikov.
Janë kapur gjithashtu 35 kg marijuanë dhe 1.2 kg kokainë.
Të gjithë këto, në përqindjen më të madhe janë zbardhur si ngjarje të ndodhura.
Mes tyre ka dhe 4 të arrestuar për krime seksuale.
Në aspektin ndëshkimor, rreth 40 % e 100 te arrestuarve, të kapur këta për ngjarje kryesisht të rënda ose sasi droge të konsiderueshme, janë lënë në burg nga Gjykata. Pjesa tjetër janë ose në “Arrest shtëpie” ose në “Detyrim paraqitje”.
Nga 100 të arrestuar vetëm 2 janë lënë të lirë pa mase sigurimi fare. /sarandacity.al/
