Ishin bashkë që në vitin 1990, si dy vëllezër, dy shok, miq, ustallarë shumë të mirë, të nderuar dhe të respektuar.
Ishin bashkë jo vetëm pranë njëri-tjetrit, në bangot e punës por dhe në halle, probleme që kishin.
Ç’do gjë e zgjidhnin me mirëkuptim dhe buzëqeshje.
Këta dy ustallarë këpucarë janë Fatmir Sali (i paharuar ) dhe Luli Shabani.
Ata i gjeje gjithmonë në qendër të Sarandës, aty ku fillon tregu industrial.
Fatmir Sali, ose Miri, siç e thërrisnin, para viteve ‘90 ka punuar në NRSH, në Sarandë. Më pas provoi emigracionin por jo shumë, pasi u kthye në Sarandë dhe filloi zanatin.
Ishte një djalë gazmor, i ëmbël, me atë buzëqeshjen e tij karakteristike, fjalpakët dhe zanaçi shumë i mirë. Për të qau gjithë Saranda kur flama COVID-19 e mori nga fëmijët, gruaja, miqtë e tij që i donte dhe e donin aq shumë.
I pëlqente shumë sporti dhe ishte nga tifozët më të “ç’mendur” të ekipit të futbollit Butrinti. Po kaq i “çmendur” ishte dhe për vallet dhe këngët e bukura çame.
Ndërsa miku i tij i ngushtë Luli Shabani ka filluar punën si këpucar që në vitin 1978, në NPA e Delvinës dhe më vonë në Ndërmarjen e Riparim Shërbimeve në Sarandë.
Pas vitit 1990 ata ishin privatët e parë që hapën lokalin e tyre të shërbimeve, aty ku është sot.
I paharuar kujtimi i Mirit dhe jetë të gjatë usta Lulit! /sarandacity.al/
874904 624697We are a group of volunteers and opening a new system in our community. Your web site given us with valuable info to function on. Youve done an impressive job and our entire community will probably be grateful to you. 741379