Eshtë reflektuar dhe dje, në tubimin përmbyllës të fushatës së PS-së në Sarandë, një ftohtësi mes deputetit aktual Alket Hyseni dhe kandidates Anila Denaj.
Përflitet se Denaj, apo dikush pas saj, shtynë Hysenin në një vend jo të favorshëm në listë, gjë që çoi këtë të fundit në dorëheqje nga kandidimi.
Gjithsesi, Alket Hyseni ka bërë fushatë të rregullt pro siglës së PS-së, por duke potencuar se duhet të votohet PS dhe Rama.
Ai është treguar politikisht korrekt me prezencën e tij në tubimin ku Denaj ishte shëmbëlltyrë e eventit politik, por që është kapur duke treguar një shpërfillje ndaj saj në çastet kur ajo kumtonte mesazhe fushatore.
Hyseni thjesht shkruante apo lexonte në celular.
Të tilla “hatërmbetje” apo ftohtësi politike nuk janë të rralla në jetët e partive politike. Ato dalin në pah sidomos në kohë zgjedhjesh, kur ka dhe një garë të brendshme për në listat e deputetëve.
Kujtojmë se të tilla PS në Saranë ka patur disa vitet e fundit.
Në zgjedhjet e 2013-ës, në orët e fundit Arben Malaj, deputet në zonë, u zëvëndësua me emrin e Koço Kokëdhimës.
Ndërsa ky i fundit pamundësoi Stefan Çipën që të vijojë dhe një mandat të dy të krye të Bashkisë së Sarandës. /sarandacity.al/
