Një inspirim nga veriu: ç’mund të qe ish-Divizioni i Delvinës?

Një prej gëmadhave ushtarake diku në veri, pikërisht në Bulqizë, pritet të transformohet në një qendër rekreacioni, gjë që të sjell në mend fatin ende të paqartë për të ardhmen të një prej zonave terreneve më të joshëse të Delvinës, pikërisht ish-Divizionit, me gërmadhat e ish-godinave, ku veç njëra prej tyre nuk është gërmadhë, ajo e cila është vetë Bashkia e qytetit.

“Divizioni, kështu njihet në Bulqizë kjo pronë e braktisur e Ushtrisë. Kemi një plan zhvillimi për të, kemi ide inovatore për ta kthyer Divizionin në një nukël turizmi e argëtimi. Me ndihmën e FSHZH, Divizioni shumë shpejt do të jetë krenaria turistike e Dibrës”, do shkruante pak ditë më parë zv/kryeministrja Balluku, njëherësj drejtuese politike në Dibër.

Pra aty, ish-godinat ushtarake do transformohen në një vend argëtues, ndërsa për ish-Divizionin e Delvinës ende nuk ka asnjë sinjal se çfarë mund të jetë aty një ditë, patjetër si një gjenerues i ekonomisë lokale.

Mund të qe park rekreacioni për zonën, një alternative fundjave për të gjithë Sarandën, si dhe një zonë rezidenciale alternativë për stinën e verës.

Ka shumë variante, edhe ndryshe nga këto, si institucion arsimor(Kolegj) apo kompleks spitalor(Sanatorium) por e rëndësishme është të mendohet e të ideohet diçka. Është një resurs që s’duhet lënë ashtu, pas shërbyer për diçka, pa prodhuar asgjë. /sarandacity.al/