Një kallëzim në Prokurori nga Ina Zhupa: kush ka luajtur me emrin e saj?

Deputetja demokrate Ina Zhupa kla bërë një kallëzim në Prokurori, pas një abuzimi të tipit “fake” me emrin dhe personin e saj.

Asaj i është publikuar një bisedë e trukuar, ku aludohet se është në kuadër të luftës së brendshme në PD.

Duke paraqitur kallëzimin që ka bërë në Prokurori, ajo shkruan:

 “Nëse mendojnë se me shpifje, montazhe dhe sulme të ulta do fitojnë terren tek demokratët e kanë gabim.

Nëse mendojnë se demokratët bien pre e sulmeve të paguara prap e kanë shumë gabim!

Nëse mendojnë se kështu me intimidojnë mua e keni edhe me shumë gabim, veç me motivoni të vazhdoj betejen për të ardhmen e PD! Për ta kuptuar ju ftoj të shikoni mbi 1020 prononcimet e mia publike që nga 2014 e deri sot, për aferat e Rilindjes, ku personazhet e denoncuar janë nga më të fuqishmit e qeverisjeve Rama!

Sot kam depozituar kallëzim penal, për montazhin dhe fallsifikimin që qarkullon në rrjetet sociale duke u paraqit si komunikim i derguar nga unë. Cdo njeri pak racional s`ka rëne pre e këtij montazhi dhe falssifikimi të turpshëm!

Tani është detyra e organeve të hetimit të zbulojnë origjinën e montazhit dhe të cojnë para drejtesise abuzuesit që kanë kryer këtë krim.

Çdo profil personi që qarkullon këtë shpërndarje foto-montazhi përbën veper penale dhe kompetencë e organeve të hetimit për ta ndjekur.

Ndërkohe makineria e shpifjeve vazhdon prodhon lajme të rreme dhe ju garantoj që do të marrin të njëjtën përgjigje: Kallëzim Penal!”. /sarandacity.al/