Deputetja Denaj ndau me publikun frutet polititike të ditës në jetën parlamentare, gjithnjë në profilin e saj si ekonomiste, duke shkruar:
“Diskutuam në Komisionin për Ekonominë dhe Financat ‘Buxhetin Faktik 2020”.
Më pas ajo bën një minianalizë të inisiativave financiare në kohë krizë dhe efekteve që ato kanë patur.
“2020 ishte një vit shumë sfidues, por rritja ekonomike edhe pse pati një kontraktim me 4% iu rikthye ritmeve pozitive të rritjes në tremujorin e katërt.
Ndryshimet buxhetore përmes Akteve Normative u realizuan për t’i ardhur në ndihmë qyetarëve dhe ekonomisë.
Politika fiskale që u ndoq ishte lehtësuese dhe stimuluese, pasi nxiti produktivitetin dhe qëndrueshmërinë afatgjatë të ekonomisë.
Një prej prioriteteve të buxhetit 2020 ishte rindërtimi i infrastrukturës së dëmtuar nga tërmeti i nëntorit të vitit 2019, kalimi i emergjencës së pandemisë, si dhe realizimi i investimeve në arsim, shëndetësi, drejtësi, mbrojtje etj”, shkruan Denaj. /sarandacity.al/
