Një telefonatë në Kapitenerinë e Sarandës: ku është Bova sinjalizuese?

Ku është bova sinjalizueze në Gjirin e Sarandës, ajo që duket si një pikë e zezë gjatë ditës e që pulsonte dritë gjatë natës?

Këtë ka kërkuar një barkë e ndaluar në Gji, duke telefonuar në Kapiteneri mëngjesin e kësaj të hëne.

Sepse Bova nuk ekziston. Ndoshta është këputur dhe ka përfunduar në thellësi.

Por për çfarë shërbentë ajo?

Më 21 shtator të 1943, anija italiane SS Probitas, e mbushur me ushtarë italianë, po largohej nga porti, dhe u godit nga dy avionë gjermanë duke vrarë disa prej tyre, pasi të tjerë u hodhën në det.

Bova shërbente pikërisht për sinjalizimin e faktit që pikërisht aty ndodhej një anije e mbytur.

Por tani ky sinjalizimi, i pajisur dhe me ndriçim për natën para ca vitesh, tani mungon.

Ndërkohë, një vit më parë, u promovua nisja e punimeve për instalimin e 50 bovave të para nga Parku Kombëtar Sazan Karaburun, në gjithë Rivierën shqiptare deri në Sarandë.

“Në zbatim të politikave për mbrojtjen e Parkut Kombëtar të Sazan Karaburunit, për të garantuar një zhvillim të gjithë ekonomisë së biznesit të turizmit detar, për gjithë zonën e Rivierës shqiptare do të hedhim sot 50 bova të reja të cilat janë një investim i qeverisë shqiptare në kuadër të hapjes së kësaj pjese të detit shqiptar për t’u ankoruar më shumë mjete të kënaqësisë dhe për të patur mundësinë që bukuritë e pamata të këtyre plazheve të virgjëra të Karaburunit dhe pastaj të gjithë zonës së Rivjerës, të vizitohen nga më shumë jahte e mjete kënaqësie që lundrojnë në këtë zonë edhe pse jo të zhvillojmë në këtë zonë një pikë parkimi rajonal për gjithë zonën e bregdetit”, do deklaronte ministri Klosi. /sarandacity.al/