Një zonjë e rrallë në Sarandë për “Tango në Kavaletë”

Shoqata Kulturore Swiss Albania Event, me qendër në Lausanne të Zvicrës, në bashkëpunim me artistë të diasporës, deklaron të hapur projektin “Diaspora në Atdhe”.

Expozita “Tango në Kavaletë” me artisten Amantia Rrokaj, sjell për herë të parë në Shqipëri diçka krejtësisht ekologjike. Kavaletat dhe pikturat janë krijime tërësisht origjinale, të bëra me produkte të ricikluara.

Zonja Rrokaj është e prekur nga një sëmundje kronike dhe punimet e saj ia dedikon kryesisht shoqatave kulturore dhe humanitare, që punojnë ne ndihmë të të sëmurëve si ajo.

Gjithashtu arti për të, është një mënyrë për të treguar që sëmundja nuk është aspak pengesë për të shprehur talentin brenda saj.

Ky projekt është mundësuar në bashkpunim me bisneset vendase në Shqipëri, të cilët mbështesin artin dhe promovimin e tij.

Një kontribut të vyer kanë dhënë: Bar Restorant Limani në Sarandë , Finikas Lines, kompania autobuzave Athinë – Sarandë , Butrinti Travel & New Horizon të cilat do realizojnë transportin e veprave nga Athina në Sarandë si edhe institucionet e qeverisjes lokale në Sarandë, të cilët përkrahin me dëshirë artistët shqiptarë në Diasporë dhe jo vetëm.

Ekspozita ka mbështetjen e Bashkisë Sarandë dhe do të ketë ditën e parë të saj në mbrëmjen e 25 korrikut në shëtitoren e Sarandës.

Të dielën pra, ora 19:30 “Tangua” në shëtitore. /sarandacity.al/

Tags: Perditshmeri