Me një shami të bardhë në kokë që të mos i digjen flokët nga dielli e mos ta pengojnë kur fryn erë, e qeshura e saj tërheq vëmendjen e kujtdo që mbush ujë në Ardhasovë.
E quajnë Miranda dhe me një krenari të fortë prej burri na thotë se ka 30 vjet që bën një punë që s’njeh gjini: çobanërinë.
Një 55-vjeçare e papërtuar që në shi a në diell, ajo nxjerr bagëtinë e saj për të kullotur.
As i ka shkuar ndërmend që të emigrojë si shumica e njerëzve në këtë fshat apo zonë, as e ka menduar që ta lërë këtë punë e ka vetëm një motiv, siç thotë: “Të shkolloj 3 fëmijët e mi! Kur mendoj ata e bëj me kënaqësinë më të madhe këtë punë”.
Si ishte ai muhabeti që bën rinia nëpër kafe, feminizmi a maskilizmi?
Po ku njeh puna gjini, e ajo e fshatit as do t’ia dijë je burrë a grua.
Ç’grua fisnike, ç’leksion jete dhe optimizmi! /sarandacity.al/
