Prokuroria doli me një deklaratë për të bërë me dije se po zbardh atë çfarë ka ndodhur me pagërrjedhjen dhe se kush fshihet pas kësaj afere. Mazhoranca pretendon se është një prej skemave të radhës për efekt destabiliteti politik.
Drejtuesja e Prokurorisë së Tiranës, Elisabeta Imeraj, bëri me dije katër arrestime për këtë rast.
“Duke marrë si shkak dëmtimin e interesave të shtetasve ku shpërndahen nëpër rrjete sociale, është zhvilluar hetimi dhe janë marrë info nga të gjitha institucioneve, janë sekuestruar servera dhe kompjutera dhe kemi identifikuara 4 autorë ku dy janë punonjësit në Drejtorisë së Tatimeve dhe nga të cilët ka dyshime që kanë rrjedhur të dhënat personale”, tha ajo.
tha se prokuroria po vijon hetimet edhe për të zbuluar qëllimin e që përmbaruesit privat që i blenë këto të dhëna dhe i shpërndanë,
“Do i shkohet deri në fund çdo lloj subjekti të përfshirë në këtë veprimtari çfarëdolloj niveli qoftë ai. Po hetojmë jo vetëm autorët që kanë marrë të dhënat por edhe në drejtim të hetimit të qëllimit të përdorimit të këtyre të dhënave për efekt të shpërndarjes së tyre të përgjithshme”, tha Imeraj.
Ajo shtoi se “deri në këto momente është zbuluar mekanizimi sesi këto të dhëna të përftuar kanë mundur të aksesojnë dhe t’i përdorin. Këto të dhëna janë shitur. Prokuroria është e vendosur të hetojë çdo lloj subjekti apo individ që kanë një qëllim të caktuar”.
Sipas saj, synimi i hetimeve është qëllimi final i publikimit të database-it në pagave.
“Do i shkohet deri në fund çdo lloj subjekti të përfshirë në këtë veprimtari çfarëdolloj niveli qoftë ai. Po hetojmë jo vetëm autorët që kanë marrë të dhënat por edhe në drejtim të hetimit të qëllimit të përdorimit të këtyre të dhënave për efekt të shpërndarjes së tyre të përgjithshme”, tha drejtuesja e prokurorisë së Tiranë. /sarandacity.al/
