Pamje dhe komente: Ina Zhupa mbron gazetarët nga dyshja Vokshi – Kokalari

E përfshirë tashmë në tollovinë e një krize që ka mbërthyer partinë e saj, ndarë në dy pjesë, deputetja Ina Zhupa postoi një video e cila ka si protagoniste Evi Kokalarin dhe Albana Vokshin.

Znj. Kokalari, një ithtare e Berishës me banim në SHBA, shfaqur së fundi në Foltore, replikoi me gazetarë, gjë që ka sjellë reagimin e znj. Zhupa, pjesë e kampit Basha, e cila shkruan:

“Gazetarët nuk janë të frikshëm! Ata janë heronj!

Në cdo situatë gazetarët kanë raportuar për publikun dhe kur janë sulmuar njëlloj si ne protestuesit me gaz lotsjellës, kanë raportuar edhe kur kanë rrezikuar jetën, kanë raportuar orar pa orar, kanë raportuar ku kanë qënë ngjarja!

Si anëtare e komisionit të medias, bëj thirrje për ndjesë publike dhe distancim të zonjave të tjera të pranishme. Gazetarët nuk duhet të cënohen, nuk duhet të ofendohen!

Ata meritojnë mirënjohjen më të thellë për punën që bëjnë dhe premtoi angazhimin tonë serioz për të arritur sa më shpejt te një bazë ligjore mbrojtëse për ta dhe nje proces gjithëpërfshirës për miratimin e ‘Statusit të Gazetarit’”.

Ajo i referohet pamjeve të servirura nga gazetari Juxhin Mustafaraj, i cili replikoi në një moment tensioni me znj. Kokalari.

https://youtu.be/sK_AyQGFlqE

Kujtojmë se një ditë më parë, deputetja Zhupa u sulmua nga Berishës, duke u quajtur “zëdhënëse e Coles”, ky i fundit vjehrr i saj. /sarandacity.al/