Katër muaj më vonë nga koha kur tek segmenti rrugor Sarandë – Borsh, në hyrje të Borshit, në lagjen Vonja, si pasojë e reshjeve me intensitet të lartë ndodhi një rrëshqitje, e cila dëmtoi trupin e rrugës, situata është ende po ajo.
U tha ditët e para të ngjarjes se firma Salillari që ka në mirëmbajtje këtë rrugë, njëherësh edhe e ka restauruar rreth 3 vite më parë, do të punonte për riparimin e dëmit, por asgjë ende nuk është bërë.
Rruga është vetëm më një kalim dhe në pamundësi për të kaluar mjetet e rënda.
Në opinionet e para me banorë të kësaj zone në ditët e ngjarjes kishte mosbesim për rregullimin e dëmit. Dhe aktualisht edhe sot, katër muaj më vonë, situata është po e njejtë, rrugë e rrethuar me shirit sigurimi dhe me një pamje që të krijon frikë sikur nga momenti do të shembet edhe pjesa e mbetur.
Deri kur do të zgjatë kjo pritje tmerruese për këtë pjesë rruge që të kthehet në normalitet? /sarandacity.al/
https://youtu.be/-YHlkMmOTZQ
https://youtu.be/e7xti2PReKU
https://youtu.be/1kcViXFNzeQ
https://youtu.be/KTYB7FBB-_4
