Pas sarandiotit Pandeli Kajo, një tjetër shqiptar, nga Korça, ka dhënë frymën e fundit në rrugët greke.
Aksidenti i rëndë ndodhi në Imathi, në rrugën mes Meliki – Vergina. Veç jetëhumbjes së të riut korçar, mbetën të plagosur dhe dy shokët e tij që ishin me të në makinë.
Shkak i aksidentit fatal dyshohet se ka qenë dalja nga rruga e mjetit si pasojë e shpejtësisë së madhe dhe humbjes së kontrollit, duke bërë që të përfundonte në një fushë.
Media greke ofroi pamjet e “bërjes petë” të automjetit.
Po kaq i rëndë qe dhe aksidenti i pak ditëve më parë, në prag të Vitit të Ri, ku Pandeli Kajo nga Saranda, 27 vjeç, farmacist në Athinë, u shua së bashku me mikeshën e tij 23 vjeçe. /sarandacity.al/
