Kryeministri Rama paralajmëroi atë që pritet të ndodhë në Komisariatin e Sarandës, ndoshta pranga në duar zyrtarësh policie, referuar ngjarjes te “Orange”.
“Kush janë këta pronarë lokalesh në zonën bregdetare që në mënyrë të hapur shkelin ligjin e tejkalojnë orën policore. Krijojnë hapësirë abuzimi që degjeneron deri në krisma dhe plagosje në mes të një dynjaje të tërë. Këta janë tutorët e policisë në atë territor.
Këta janë korruptuesit e policisë së shtetit. Janë abuzuesit më të mëdhenj me uniformën e policisë së shtetit që tërheqin prej hunde policë e shefa komisariatesh duket i kthyer në roje të aktivitetit të tyre të paligjshëm.
Rasti i Sarandës ishte alarmant.
Ai rast duhet të çohet në ndëshkimin penal të gjithë zinxhirit të komandës në Sarandë”, tha Rama në një takim në lidhje me ristrukturimin e Policisë së Shtetit. /sarandacity.al/
