PD me kupolë të re, votohet dhe një ish-rrogëmarrës në Ujesjellësin e Sarandës

PD ka zgjedhur kupolën e lartë drejtuese, Kryesinë e re, për të cilën votoi dhe deputetja në pritje e Sarandës nga kahja e opozitës, Ina Zhupa.

“Për një PD të madhe, të fortë, shpresën e vetme të shqiptarëve për ndryshim!

Votova për kolegët e ardhshëm të kryesisë së PDSH, me besimin që si ata që zgjidhen dhe ata që nuk zgjidhen janë vlera për partinë.

Të gjithë bashkë kemi betejë për shqiptarët në përballje me të keqen e madhe që po i merr frymën vendit”, shkroi ajo si koment për aktin e votimit.

Por cila është Kryesia e re e PD-së?

Ata janë 15 emra, ku njëri prej tyre merrte dhe një rrogë në Ujësjellësin e Sarandës si anëtar bordi i saj gjatë viteve kur PD ishte në pushtet. Dhe të tillë si ai, me një pagë deri në 60 mijë (të reja) lekë në muaj, s’ishin pak.

1. Oriola Pampuri
2. Dhurata Çupi
3. Juela Hamati
4. Taulanta Jaupi
5. Lindita Metaliaj
6. Gert Bogdani
7. Agron Gjekmarkaj
8. Tomorr Alizoti
9. Ervin Salianji
10. Flamur Noka
11. Kreshnik Çollaku
12. Oerd Bylykbashi
13. Aldo Bumçi
14. Fitim Zekthi
15. Gent Strazimiri /sarandacity.al/