Aurel Shino, 20-vjeç, punonjës parkimi në një kompleks turistik në qytetin bregdetar, u godit me thikë në mbrëmje duke përfunduar më pas në spital.
Gjithçka ndodhi pasi një grindjeje jashtë vendit të punës, në aksin Turizëm – Çukës.
Mësohet se 20-vjeçari është banor i Vllahatit në Delvinë. Policia ka shoqëruar autorin e dyshuar O. L. 23 vjeç, banues në Sarandë, si autor të goditjes
Komunikata policore thotë:
“Shërbimet e Komisariatit të Policisë Sarandë, pas marrjes së njoftimit rreth orës 19:30, se në rrugën Butrinti, Sarandë, ishte goditur me mjet të mprehtë shtetasi Aurel Shino, menjëherë kanë shkuar në vendngjarje dhe falë veprimeve të shpejta e profesionale bënë të mundur identifikimin, kapjen dhe shoqërimin në Komisariatin e Policisë Sarandë për veprime të mëtejshme procedurale të shtetasit O. L, 23 vjeç, banues në Sarandë.
Ky shtetas dyshohet se gjatë një konflikti, për motive të dobëta, ka goditur me mjet të mprehtë A. SH., 20 vjeç, banues në Sarandë, i cili ndodhet në spital, jashtë rrezikut për jetën.
Grupi hetimor po punon për sqarimin e rrethanave të ngjarjes”. /sarandacity.al/
