Vlerësohet se pjesëmarrja në zgjedhje ka qenë e kënaqshme këtë 25 prill.
Por Qarku i Vlorës, ku ndodhet dhe Saranda me rrethina, ka regjistruar numrin më të ulët të votuesve. Shpjegimi është i thjeshtë: mungesa e emigrantëve.
KQZ njofton se 47.94% e qytetarëve kanë ushtruar sot të drejtën e tyre për të votuar.
Të dhënat vijnë nga 642 qendra votimi, kur në total janë 5199 të tilla në të gjithë vendin. Në këto 642, kanë votuar 225.372 qytetarë nga 470.122 të regjistruar.
Tirana dhe Dibra rezultojnë dy qarqet me pjesëmarrjen më të lartë në votime, Tirana me 53.32% dhe Dibra me 52.95%.
Në qarkun e Beratit kanë votuar 43.4 %, e zgjedhësve.
Në Durrës, 43.34 %,
Në Elbasan, 49.44 %,
Në Fier, 44.99 %,
Në Gjirokastër, 42.92 %,
Në Korçë, 43.43 %,
Në Kukës, 48.47 %,
Në Lezhë , 44.5 %,
Në Shkodër, 41.8 %,
Dhe në Vlorë, pjesëmarrja e votuesve mbetet e ulët, me 34.05 %. /sarandacity.al/
