Po, Delta ka mbërritur dhe në Shqipëri. Konfirmohet kjo zyrtarisht nga Ministria e Shëndetësisë, pas së cilit vjen dhe apeli i ministres si “recetë shpëtimi”:
“Konfirmimi i prezencës së variantit Delta në Shqipëri nga laboratori i referencës Charite në Berlin, kërkon nga të gjithë respektim rigoroz të masave parandaluese, izolim të menjëhershëm në rast dyshimi dhe konfirmimi të virusit COVID 19, dhe mbi të gjitha VAKSINIM • VAKSINIM • VAKSINIM, si arma më e fuqishme për të frenuar përhapjen e virusit dhe për të shpëtuar jetë!”, shkruan Manastirliu.
Sakaq, Shqipëria ka shënuar të 29-ën ditë pa asnjë humbje jete nga COVID. /sarandacity.al/
