Policia “masakron” shkelësit në timon

Policia e Shtetit raportoi bilancin e një ndëshkueshmërie në rruge ndaj shkeljeve të ndryshme gjatë javës në ikje.

Bëhet fjalë për 185 drejtues automjetesh të ndëshkuar sipas shkallës së shkeljeve.

“….Gjatë kësaj jave janë evidentuar, ndjekur, kapur e proceduar administrativisht 185 drejtues mjetesh që kryenin gara shpejtësie, manovra të rrezikshme në rrugë dhe shpejtësi tej normave të lejuara.

Janë ndëshkuar me masë administrative për parkime mbi trotuar, mbi vija të bardha e parkime paralele, që pengonin lëvizjen, 124 drejtues automjetesh luksoze.

Gjithashtu, nga grupet e dedikuara të kontrollit, janë evidentuar dhe ndëshkuar 503 drejtues mjetesh, për përdorim të celularit gjatë drejtimit të automjejtit, 361 drejtues mjetesh për mospërdorim të rripit të sigurimit, 122 drejtues të motomjeteve për mosvendosje të kasës mbrojtëse, 290 drejtues mjetesh për parakalime të gabuara, 41 për drejtim mjeti nën efektin e alkoolit dhe 3789 masa të tjera për shkelje të ndryshme.

Njëkohësisht janë arrestuar 23 drejtues mjetesh, nga këta 15 për drejtim mjeti në gjendje të dehur, 4 për drejtim mjeti pa leje drejtimi dhe 3 për shkelje të rregullave të qarkullimit rrugor, duke shkaktuar aksident dhe një shtetas për falsifikim të lejes së drejtimit.

Janë pezulluar 129 leje drejtimi, të ndara sipas shkeljeve:

• 40 raste për drejtim të mjetit nën ndikimin e alkoolit;
• 70 raste për shpejtësi mbi normat e lejuara;
• 19 raste për shkelje të tjera të Kodit Rrugor.

Janë bllokuar 16 mjete, nga të cilat:

• 6 mjete për moslikuidimin e gjobave;
• 10 mjete me targa të huaja dhe mjete luksi, të cilat janë shoqëruar në ambientet e Komisariatit Rajonal të Policisë Rrugore Tiranë, për verifikim nga Seksioni për Hetimin e Trafiqeve të Paligjshme në Drejtorinë Vendore të Policisë Tiranë”, thuhet në njoftimin zyrtar. /sarandacity.al/

https://youtu.be/ctQHEXBUILQ