Kryebashkiaku Gurma tha në një prononcim për A1 Report se Saranda i ka të vaksinuar të gjithë stafet e shërbimeve turistike dhe se është gati për sezon.
“Në territorin e Bashkisë sonë janë vaksinuar të gjithë punonjësit e strukturave që ofrojnë turizëm.
Objektivi është që sa më shumë të vaksinohen qytetarët, aq më e lehtë është mundësia e ndërprerjes së zinxhirit të infeksioneve.
Situata është e qetë.
Saranda ka patur fluks turistësh në fundjavë.
Shpresojmë se me përmirësimin e kushteve të pandemisë, të kemi turistë sikurse kemi patur çdo vit dhe Saranda të jetë me një bum turistik“, tha ai.
Gurma bëri me dije dhe mbërritjen e një protokolli COVID për sezonin, pa dhënë detaje se ç’përmban ai. /sarandacity.al/
