Janë publikuar kriteret e pranimit dhe kuotat për regjistrimin në universitete. Kriteret e pranimit dhe kuotat janë publikuar për të dy ciklet, atë Bachelor dhe Master.
Ndër të tjera thuhet se “në filialin e UT në Sarandë, kriteret e pranimit për të dy programet do të jenë të njëjtat me kriteret që do të kenë Fakultetet Bazë”.
“Në këtë filial, maturantët mund të zgjedhin të studiojnë në degën Administrim Biznes dhe programin Gjuhë e Huaj Angleze.
Pas përfundimit të maturës, nxënësit duhet të aplikojnë përmes portalit U-albania ku do të zgjedhin preferencat e tyre.
Fillimisht ata duhet të paguajnë tarifën e regjistrimit prej 2000 lekësh në zyrat e Postës Shqiptare.
Rezultatet e provimeve të maturës dhe ato të tre viteve gjimnaz janë kriteret kryesore që do merren parasysh në pranimin në universitet”, sqarohet në njoftimin zyrtar. /sarandacity.al/
