Është rishfaqur e hidhur politikisht ambasadorja amerikane Yuri Kim, duke iu bërë një sfidë kandidatëve “foltoristë” për zgjedhjet e 6 marsit, pra atyre të zgjedhur nga Rithemelimi i Berishës, të cilët do garojnë nën siglën e “Shtëpisë së Lirisë”.
Ajo u drejtohet atyre: “Pyetje për kandidatët: Nëse sponsori juaj kryesor është dikush i shënjuar nga SHBA për korrupsion të
konsiderueshëm, çfarë saktësisht po u premtoni votuesve?
Kush do t’ju zotërojë nëse fitoni dhe çfarë do t’i detyroheni atyre?
Çfarë duhet të presin shqiptarët? Çfarë duhet të presin SHBA?”, shkruan Kim në postimin e saj në Teitter.
Ky është reagimi i parë i saj në kuadër të fushatës për Lokalet e pjesshme të 6 marsit, dy ditë pas nisjes së fushatës zyrtarisht.
Këto zgjedhje kanë si të veçantë faktin që zhvillohen dhe në garë mes dy gjysmave të PD-së, Rithemelimit të Berishës dhe asaj zyrtare të Bashës, pas ndarjes së paimagjinueshme mes tyre. /sarandacity.al/
