Qeveria “hap qesen” për borxhet e bashkive, po Delvina?

Shumë bashki pritet të lehtësohen nga financiarisht nga detyrimet e prapambetura në vite, ndryshe borxhet e akumuluara.

Kanë qenë disa kryebashkiakë që i kanë bërë presion qeverisë, ndaj, nga kjo e fundit, më saktë nga Ministria e Financave, është akorduar një fond prej 500 milionë lekësh për t’i shlyer këto borxhe.

Sipas asaj çfarë bëhet e ditur në shifra, pjesën më të madhe të fondit e merr bashkia e Kavajës e cila si pasojë e borxheve të mëdha i është dhënë nga buxheti i shtetit 78.8 milionë lekë për vitin 2021.

Më pas vjen vjen Bashkia Tiranë me mbi 61 milionë lekë, Vlora me 46.4 milionë lekë, Malësi e Madhe me 32.3 milionë lekë, Belshi me mbi 29 milionë lekë, Pogradeci me mbi 24 milionë lekë dhe Lezha me 20.2 milionë lekë.

Deri në fund të muajit qershor të këtij viti bashkitë kishin 6.6 miliardë lekë detyrime të prapambetura.

Por siç mund të vihet re, mungon Delvina, bashkia e së cilës thuhet se ka të njëjtin hall këto vite, por pa u dhënë një shifër e saktë e detyrimeve se sa janë ato. /sarandacity.al/