Kryeministri Rama pranoi se ngjarja e rëndë e Sarandës afro 10 ditë më parë, ishte përgjegjësi e Policisë aty. Fjala është për një shkëmbim të shtënash, prej të cilave mbeti i plagosur shtetasi Spiro Iljadhi, pronar i një lokali të njohur në Turizëm – Çukë.
“Rasti i Sarandës është përgjegjësi e drejtpëdrejtë e Policisë së Shtetit.
Për këtë arsye, janë marrë të gjitha masat dhe janë bërë të gjitha goditjet e nevojshme brenda për brenda Policisë së Shtetit.
Rasti i Sarandës është fiks përgjegjësi e strukturave të Policisë në Sarandë”, tha kreu i qeverisë.
Sipas tij, bëhet fjalë për një lokal jo diku në periferi por nën hundën e tyre, ku vijohej të qëndronte hapur dhe me muzikë në shkelje të hapur të orës policore.
Kujtojmë se për këtë rast janë arrestuar i plagosuri dhe një prej personave që qëlluan mbi të, ndërkohë që janë në kërkim dhe dy të tjerë. /sarandacity.al/
