Kryeministri Rama prezantoi pamjet e një ferme në Jon, dedikuar produkteve detare, por pa e thënë ku konkretisht, apo se kush qëndron pas saj, një rast i pazakontë ky mangësie thelbësore në informim.
“Ferma spektakolare e kultivimit të tonit për eksport në detin Jon, e ndërtuar dhe menaxhuar me superstandardet e nevojshme për tregun japonez.
Falë politikave mbështetëse të peshkimit i kemi thuajse pesëfishuar eksportet e prodhimeve të detit dhe do të vijojmë t’i rrisim më tej, vit pas viti”, shkruan i pari i qeverisë.
Aludohet se pas kësaj ferme është biznemeni i njohur i prodhimeve detare, Gjergj Luca.
Ky i fundit posedon një rezervat diku në detin e Sarandës, por nuk dihet nëse është pikwrisht ky. /sarandacity.al/
