I përjavshëm në ekranin e RTSH, i pamunguar edhe këtë të premte në raportimin e vet live, gazetari Thoma Nika ka panoramuar në 6’ 35” zhvillimet e rajonit më jugor të vendit.
Fokusi nis nga marrja e tërë pushteteve nga stina e pranverës, pa patur nevojë për votim, siç do t’i duhet politikës më 25 prill, tek vaksinimi i të moshuarve, tek listimi i stafeve hoteliere që pritet t’i nënshtrohen këtij procesi, si faktor sigurie për turizëm, tek kontaktet e zgjuara të kreut të shoqatës së turizmit të Kosovës me kolegët sarandiotë dhe qeverisjen vendore, te ajo çfarë ka shtuar kjo javë në lëvizjen “Ksamili i pastër”, për ta përmbyllur me të veçantën e këtij 2 prilli, të njohur si Dita Botërore e Ndërgjegjësimit për Autizmin.
Në kushtet kur ende nuk mund të bëhen veprimtari të dedikuara kësaj Dite, Nika u ndal në promivinin e asaj pune të admirueshme që bën në distancë stafi i Qendrës për Zhvilim, përmes dërgimit ditor të programeve online prindërve të këtyre fëmijëve, me aftësi ndryshe. /sarandacity.al/
https://youtu.be/bioAEXpN7XY
