Spiro Vaso, një anëtar kryesie në PD-në e Sarandës, është ndër ata të rinj që do jetë në “Foltoren” e së premtes kur Berisha të vijë qytetin tonë për lëvizjen e tij në thelb anti-Basha.
Por lajm është një replikë që ai ka patur në një komunikim të brendshëm me deputeten Ina Zhupa, që do të thotë se dega lokale e demokratëve po zien këto ditë, pikërisht nga pozicionimi i imponueshëm që diktojnë zhvillimet e pazakonta në PD.
Vaso foli shkurt për Sarandacity, duke shpallur dhe më hapur gjedhjen e tij dhe arsyetuar se pse.
Një debat i brendshëm mes jush dhe deputetes Zhupa, publikuar në media opozitare, ka nxjerr në pah një lloj tensioni pak para “Foltores” në Sarandë. Dhe plotësisht e natyrshme kjo.
Ju personalisht, pse keni zgjedhur të jeni në anën e “Foltores”?
Unë, në datë 30 shtator vendosa t’i bashkohem lëvizjes duke mbështetur liderin historik Sali Berisha, duke firmosur formularin për mbledhjen e Kuvendit Kombëtar në datën 11 dhjetor.
Debatet e brendshme na bëjnë më të fortë dhe liria e mendimit ndryshe sjell produktivitet.
Kjë lëvizje ka ngjallur emocion dhe siguri te demokratët, pasi është një lëvizje që duhet të ishte bërë që në vitin 2017. Pak e vonuar, por e rëndësishmja është që ndodhi.
Pse mendoni se dhe deputetja, pse jo, dhe PD-ja lokale, duhet të jenë në “Foltore”? Është çështje fryme apo statuti?
Nuk munden të them se duhet apo jo deputetja të jetë pjesë e “Foltores” ose antarët e PD dega Sarandë.
Çdo njeri është i lirë të vendosë lidhur me qëndrimet e veta. Fryma e ngritur nga “Foltorja” ka ngjallur shpresë te demokratët dhe anëtarët e PD i janë bashkuar thirrjes të z.Berisha për ringritjen e PD.
Deputeten Zhupa e ka kapur paniku nga pjesëmarja e madhe e njerëzve ditën e premte, ku do të jetë dhe takimi me demokratet e Sarandës.
Besoni që “Foltorja” është dhe “rilindja” e fortdëshiruar e PD-së, rrjedhimisht rruga e duhur për rikthimin e saj në pushtet?
Nuk mundet të themi që “Foltorja” është rilindja e fortdëshiruar e PD-së. “Foltorja” është një lëvizje që duhet të kishte nisur që me humbjen e zgjedhjeve të vitit 2017. Eshtë një lëvizje e shumëpritur dhe e shumëdëshiruar nga pjesa më e madhe e demokratëve dhe tani që ndodhi të gjithe u bashkuan për qëllimin e vetëm: kthimin e besimit te demokratët dhe bashkimin e PD-së për fitoren e zgjedhjeve.
Ju jeni në një moshë të re, ndërkohë që Berisha profilizohet si “i vjetër”, në kuptimin politik dhe moshor. Ky pikëkatoheni ju?
Te Besimi për një PD më të fortë, më të bashkuar dhe më demokratike. Ishte ky besim që më bëri që t’i bashkohesha lëvizjes së z.Berisha. /sarandacity.al/
