Ishte paksa cinike të shihje dekorimin që kreu i shtetit Ilir Meta, me shumë njolla morale në karrierë politike, po dekoronte mishërimin e moralit që duhet të ketë një njeri i shtetit, i cili ka në dorë financat publike.
Andon Vasili, njeriu që bëri histori në ‘97-ën e tmerrshme të zonës, me fshehjen e më pas me transferimin parave të bankës të Sarandës në Janinë, duke shpëtuar miliona, morri atë që meritonte prej kohësh, gjithsesi pak, nga shteti të cilit i shërbeu me zell.
Një një bisedë me Sarandacity, ai e cilëson ditën e dekorimit si më të bukur të jetës dhe rrëfen me zell ato kohëra kur ju desh të shpërfaqte personalitetin e tij, deri atë kohë shfaqur në aftësi, por i diktuar nga rrethanat, edhe në kredo të fortë morale. /sarandacity.al/
