Sali Hasa, ish-prokuror dhe drejtuesi i Prokurorisë së Sarandës, nuk u paraqit para Komisionit të Pavarur të Kualifikimit(KPK), ose ndryshe komisionit të vettingut, duke anolluar atë qe vetë e kishte vendosur; paraqitjen e domosdoshme në “gjyqin” për vijimin e karrierës profesionale.
Hasa ka lëshuar një deklarate nga burgu se nuk do të paraqitet sot në seancë.
Ky është rasti i parë një vettingu ndaj një figure të drejtësisë që ndodhet pas hekurave.
Sali Hasa është arrestuar afro tre muaj më parë me urdhët të SPAK, nën akuzën e përfshirjes në një aferë korruptive. Atij iu vunë prangat në zyrën e tij në Prokurorinë e Sarandës.
Ndërkaq, para KPK-së ai nuk ka çuar as avokat. Pra, një reagim me bojkot të plotë.
Hetimi për prokurorin Sali Hasa është kryer vetëm për pasurinë, raportin ABC News.
Nga raporti ILDKPKI ka rezultuar se deklarimi nuk është i saktë, ka deklarim të rremë dhe mungesë burimesh. /sarandacity.al/
