Saranda e jo vetëm pa Gjykatë e Prokurori, tre arsye sipas qeverisë

Qeveria ka dhënë sinjalin e parë që është dakort me hartën e re gjyqësore, e cila do bëjë që Saranda, siç dhe 9 qytetet të tjera, të mos ketë më Gjykatë e Prokurori.

Është ministri i Drejtësisë Ulsi Manja, i cili ka vlerësuar hartën e re, madje me një prej emrave të KLGJ-së (Këshillit të Lartë Gjyqësor), i cili e ka Sarandën si qytet të dytë për shkak të një banese që posedon në qytet, Maksim Qoku.

“Me Kryetaren dhe Zv/Kryetarin e KLGJ-së, znj. Naureda Llagami dhe z. Maksim Qoku, na ka bërë bashkë diskutimi mbi draftin e Hartës së Re Gjyqësore.

Diskutimet konstruktive mes Ministrisë së Drejtësisë dhe KLGJ-së për të dakordësuar një propozim të përbashkët të Hartës së Re Gjyqësore, e më pas konsultimin me Këshillin e Lartë të Prokurorisë, Prokurorinë e Përgjithshme, Ministrinë e Financave dhe Ekonomisë dhe grupet e interesit në përputhje me kriteret e përcaktuara në ligjin nr. 98/2016 janë të hapura për të adresuar çdo merak që ka të bëjë me: 

1. a) garantimin e aksesit në drejtësi, që lidhet me afërsinë e individit në marrjen e shërbimeve gjyqësore;
2. b) uljen e kostove, me qëllim përdorimin me efektshmëri të burimeve publike;
3. c) rritjen e cilësisë dhe përshtatshmërisë së shërbimeve të ofruara”, shkruan i pari i drejtësisë.

Ajo që ka alarmuar më së shumti kjo hartë e re, janë zyrat avokatore. /sarandacity.al/