“Saranda riciklon!”: ç’tha ambasadori gjerman në Volloder

Nga Borshi e Lukova, ndalesa e radhës e ambasadorit të Gjermanisë në Tiranë, Peter Zingraf, ishte në hrje të territorit të Bashkisë së Sarandsës, në Volloder, atje ku, falë investimit të qeevrisë gjermane nëpërmjet projektit GIZ, është ngritur Qendra e mbetjeve të riciklueshme.

Atje ai u prit nga Kryetari i Bashkisë së Sarandës, Adrian Gurma, i cili ka falenderuar për këtë investim që e kërkon standarti i zhvillimit ekonomik dhe turistik të Sarandës. Kreu i Bashkisë Gurma përmendi rëndësinë që ka kjo për një qytet si Saranda, me shumëfishim të prodhimit të mbetjeve gjatë sezonit veror. Krijimi i kësaj qendre grumbullimi, presimi e pastaj riciklimi të materialeve, tha Gurma, është element modernizimi në menaxhimin dhe përballimin e situatës problematike.

Ky vend përdorej për depozitimin e mbetjeve inerte nga ndërtimet në Sarandë, ndërsa tani këtu po formatohet qendra e ricikilimit të mbetjeve urbane të diferencuara në burim, me kapacitet fillestar në 200 tonë, që me kalimin e kohës, do arrijë të dhjetëfishohet.

Zingraf e ka cilësuar këtë një projekt shumë të rëndësishëm, të konsiderueshëm në vlerë, në funksion të turizmit dhe të sjelljes miqësiore me mjedisin. Është investim në vendin e duhur dhe në kohën e duhur, tha ai – pasi Saranda është realiteti i turizmit të shtuar, që sjell edhe mbetje urbane të shtuara. Ky projekt, nënvizoi Zingraf – nuk mund të bëhet pa shoqërinë, pa bashkëveprimin e saj dhe pa një komunikim mjaft të mirë.

Ai falenderoi Bashkinë për bashkëpunimin shumë të mirë mes saj dhe GIZ, Ambasadori gjerman e ka quajtur këtë një element mjaft të reëndësihëm edhe për rrugën e Shqipërisë drejt BE, rrugë që në 2/3 e volumit të saj zhvillohet në nivel lokal, u shpreh ai.

Zingraf dhe Gurma, hodhën së bashku material mbetje kartoni në presën e instaluar në Qendrën e mbetjeve të riciklueshme.

Vizita dhe bashkëbisedimi me ambasadorin Zingraf ka vijuar pastaj në shëshin përpara shtërvanit të qytetit të Sarandës, nga ka nisur vendosja e koshave rrjetë të mbledhjes së diferencuar të mbetjeve nga qytetarët, ashtu si edhe përgjatë shetitores së re. Zingraf dhe Gurma janë ndalur edhe në çadrën ku ishin ekspozuar objekte të realizuara me mbetje të riciklueshme.

Ata kanë marrë informacion mbi skemën e funksionimit të kësaj linje, me slloganin “Riciklo çdo ditë, për një të ardhme plot dritë”, gjithçka është në kuadër të projektit “Saranda riciklon”, që sjell modernizimin e shërbimit të mbetejeve dhe nxitjen e riciklimit në qytetin e Sarandës. /sarandacity.al/