Ana e errët e një sezoni dhe me trokitje në dyer: Mos keni nevojë për…?

Në rrëfime private nga turistë të huaj, këtë sezon në Sarandë ka ndodhur që dikush t’ju trokasë atyre dhe në derë të hotelit për t’ju thënë: Mos keni nevojë për…drogë?

Ka ndodhur kjo së fundi në një hotel në qendër, me një familje të ardhur nga Suedia.

Dhe nuk është çudi të ketë ardhur puna deri te kjo risi e frikshme. Turizmi, sezoni më saktë, me dyndjet e veta me ç’mos dhe ngamos, e rrit natyrshëm kërkesë-ofertën. Problemi është kur guxojnë të të trokasin dhe në derë.

Problem tjetër është se skotën që guxon të bëjë dhe këtë e has lehtësisht me sy të lirë në Sarandë apo dhe kudo tjetër në Shqipëri. Janë ato që kanë të bëjnë me mospërputhjet, e më saktë përputhjet mes llojit të makinës dhe personit që gjendet në timon.

Si shembull: dje, në hyrjen e Rrugës 3, dy Benza luksosë të zinj ndaluan për një çast në këmbim, pasi personat në timon u përshëndetën me njëri-tjetrin. Ishin adoleshentë në moshë dhe qartësisht të lexueshëm për tipologjinë sociale që përfaqësojnë.

Gati e kanë të lexuar në ballë: që nga veshja, tiparet, sjellja.

Kalojnë çdo ditë para hundës së Policisë. Dhe, edhe në mos pastë të dhëna konkonkrete për ta, nuhatja profesionale e Policisë do ishte e mjaftueshme për një “Ndal” rutinor, pas së cilës “nga ferra e vogël mund ta dalë lepuri i madh”. /sarandacity.al/