Komisioni Qendror i Zgjedhjeve hodhi shortin për hapjen 10% të kutive të votimit në të gjithë Shqipërinë, të atyre të 25 prillit, ku rinumërimi do tentojë të kapë parregullsi të mundshme.
“Këqyrja paszgjedhore e fletëve të votimit & materialeve zgjedhore për këto QV do të fillojë në KQZ, ditën e Premte, ora 12:00”, njofton KQZ-ja, dhe publikon listat me të gjitha Bashkitë dhe zonat ku do të hapen kutitë e votimit.
Ky proces bëhet për të parë nëse komisionerët kanë gabuar gjatë numërimit të votave dhe nëse brenda në kuti ka fletë me probleme. Gjatë rinumërimit që do të fillojë të premten, nëse konstatohen probleme, parregullësi dhe manipulime, komisionerët mund të arrestohen.
Më poshtë janë kutitë që u ra shorti nga Saranda, Delvina, Finiqi dhe Konispoli.
Aty do të shihet nëse ka patur ndonjë “djall” manipulativ brenda tyre. /sarandacity.al/
