Pronat e regjistruara në vitin 2019 kanë qenë në fokusin e një operacioni blic në Hipotekën e Sarandës, ndërmarë nga struktura Anti-Korrupsion e Kryeministrisë.
Raportohet se janë sekuestruar 9 dosje. Tre koordinatorët pjesë e këtij kontrolli blic ishin Helena Lula, Enertil Canaj dhe Sokol Plaku.
Ditët në vijim pritet të mësohet se ç’janë gjetur në këto dosje.
Kujtojmë se dhe në rang kombëtar, por në bregdet pak më tepër, çështja e pronave mbetet më delikatja, më sensitivja, njëherësh më e komplikuara, për shkak të kokolepsjes së tyre në vite, ku rol kanë luajtur zaptimet dhe abuzimet e shumta në raportin shtet-individ. /sarandacity.al/
