Nga aksidenti tragjik i dy ditëve më parë në Muzinë, ku si pasojë e daljes nga rruga të furgonit me pasagjerë në drejtimin e Bardhi Prodës humbën jetën 5 persona, mes tyre dhe vetë shoferi i njohur sarandiot, ka dalë detaji jetër, jo mbi shkaqet por mbi jetëhumbjet. Mes tyre ishte dhe çifti Drita dhe Fiqiri Koçari, 72 dhe 77 vjeç.
Ata ishin të martuar prej 55 vjetësh dhe kanë lënë pas tre fëmijë, dy djem dhe një vajzë.
Çifti ishin nisur nga Skrapari për të bërë pushimet në Sarandë, shkruan newsbomb.al.
Sipas zjarrfikësve që u morrën me nxjerrjen e trupave të pajetë nga furgoni i shkatërruar, ata janë gjetur të përqafuar në fundin e tyre tragjik.
Kujtojmë se në aksident humbën jetën dhe Tetiana Fediaieva dhe Olesandr Fediaieva nga Ukraina. Shpëtoi vetëmGreta Daberdini, 25 vjeçe, banuese në Tiranë. /sarandacity.al/
