Gjykata e re Kushteuese ka dhënë verdiktin e parë të plotë, atë mbi “Teatrin”, duke rrëzuar qeverinë.
Çështja e “Teatrit” u çua në Kushtetuese nga vetë presidenti Meta, në aleancë me “Aleancën e Teatrit”.
Për Kushtetuesen, ligji special mbi “Teatrin”, i cili çoi në shembje si pjesë e projektit për ndërtimin e një të riu, është antikushtetues.
Në njoftimin zyrtar thuhet:
“Shfuqizimin e ligjit nr. 37/2018 “Për përcaktimin e procedurës së veçantë për vlerësimin, negocimin dhe lidhjen e kontratës me objekt “Projektimi dhe realizimi i projektit urban dhe godinës së re të Teatrit Kombëtar””, si i papajtueshëm me Kushtetutën.
Shfuqizimin e vendimit nr. 377, datë 08.05.2020 të Këshillit të Ministrave “Për kalimin në pronësi të Bashkisë Tiranë, të pasurisë nr.1/241, me emërtimin “Teatri Kombëtar”, në zonën kadastrale 8150, Tiranë”, si i papajtueshëm me Kushtetutën.
Rrëzimin e kërkesës për shfuqizimin e vendimit nr. 50, datë 14.05.2020 të Këshillit Bashkiak Tiranë, Bashkia Tiranë, “Për miratimin e shembjes së godinës të “Teatrit Kombëtar”, në pronësi të Bashkisë Tiranë, bazuar në Akt – Ekspertizën e hartuar nga Instituti i Ndërtimit “Mbi vlerësimin e godinës së Teatrit Kombëtar”, si i papajtueshëm me Kushtetutën.
Pezullimin e zbatimit të ligjit nr. 37/2018 dhe VKM-së nr. 377/2020 deri në hyrjen në fuqi të vendimit përfundimtar të Gjykatës Kushtetuese”.
Kjo do të thotë që në truallin e të vjetrit nuk mund të ndërtohet i riu.
Ndodh kjo vetëm pak ditë pasi qeveria miratoi fondin e ndërtimit të Teatrit të ri.
Ndodh kjo gjiithashtu, pak ditë pasi Kushtetuesja, për rastin e zgjedhjeve lokale të bojkotuara nga opozita, vendosi t’i drejtohej Venecias, lidhur me atë nëse çdekretimi i datës 30 qershor nga Meta ishte apo jo kushtetues.
Kujtojmë se në Gjykatën e re Kushtetuese, tre anëtarë aty janë të emëruar nga Meta. /sarandacity.al/
