Nga SHBA, një demokrat i Sarandës ka nxjerr dufin ndaj deputetes Ina Zhupa.
Dilaver Lazaj shprehet se ndihet i zhgënjyer prej saj, thënë kjo në një situatë ndarjeje të thellë në PD, reflektuar sigurisht dhe në bazë.
“Po ku je o deputetja ime?!
Dëgjova se më 12 janar do shkosh në Sarandë të festosh 31-vjetorin e themelimit të PD-së.
Sa do kisha dëshirë të isha atje të të thoshja dy fjalë ballë për ballë:
Po ku je o deputetja ime Ina Zhupa?!
Ti e di mirë sa u përkushtuan demokratët e Sarandës e bashkë me ta edhe familja ime.
Veç detyrimit tim si demokrat që nga 8 janari i 1991, më porositi edhe vajza ime: puno si të jem unë!
Po ku je o deputetja ime?!
Harram e paç mundimin e përkushtimin tonë!
Ti zure vëndin e shumë demokratëve të cilët do merrnin vota shumë më shumë nga ti, na mbive në Sarandë, u katapultove nga kryetari, ti e di se si !
Ti zure vendin e Matilda Qurkut, një vajzë të përkryer e cila nuk e pranoi mandatin e deputetes për të ndihmuar ‘kryetarin’!
Ti zure vëndin e Skerdit, edhe ai nuk e pranoi mandatin. Ti zure vëndin e Nadës, të Minushes, të Bejdos, të Spiros, të Bert Haxhiut, të Manjolës e të dhjetra të tjerëve që Saranda i kishte xullufe mbi ballë!
O sa kam punuar për ty o deputetja ime !?
Në fund ne ‘humbëm’, ti fitove!
Sa e vogël je nga shpirti!
Sa mosvlerësuese je karshi miqve, demokratëve! Sa tinzare je!”, shkruan ai ndër të tjera, duke i mëshuar faktit të asaj çfarë ndodhi me selinë e PD-së në qytet
“Ashtu tinëzisht, erdhe me një kryetar të pazgjedhur, bëre një takim përçarësm ndërrove bravën e derës mbylle shtëpinë tonë dhe ike.
Ja arrite qëllimit kjo ishte detyra jote që të kish ngarkuar ‘kryetari’: të përçaje demokratët!”, shkruan ndër të tjera Lazaj, qartazi nga pozicioni anti-Basha, sipas kampeve kundërshtare respektive në PD. /sarandacity.al/
