Basha u shfaq i njëjti në parlament, ditë pas një zhvillimi të ethshëm në PD, ku kahja Berisha e ka shkarkuar nga kryetar, ndërsa ai shpalli ndarjen nga Berisha, duke e konsideruar “hije të së kaluarës”.
Në këtë kuadër, ai tha se për PD-në tashmë vjen një erë e re. Por kjo nuk u reflektua aspak në ligjërimin e tij, tipik akuzator, fund e krye i tij, huazuar nga modeli i Berishës.
Si gjitthnjë, duke mos respektuar rendin e ditës në Kuvend, Basha iu qas çështjes së inceratorëve.
“Arrestimi i një prej ministrave të këtij që qëndron mbrapa mund të jetë një dritë shpresë që një prej kolonave që mbajnë bashkë qeverinë të mund të shkërrmoqet.
Ky po krijon një reformë në drejtësi me njerëz që japin garanci që asnjë prej brinjëve të ‘Trekëndëshit të Bermudës’ të mos preket.
Edhe qytetari më i thjeshtë i Afrikës e kupton që nuk mund të merren 17 vendime brenda ditës. 400 milionë euro të mafies së inceneratortëve do të dilnin dhe do të tepronin për t’i dhënë fund problemeve të shumë fëmijëve shqiptarë”, tha Basha, duke iu referuar një vendimi qeveritar të pakmëparshëm lidhur me trajtimin e atyre fëmijëve që humbin prindërit në krye të detyrës.
Por risi ka qenë fakti se në vend të Ramës, Bashës i është përgjigjur Spiropali. Ndërsa kreu i grupit socialist Taulant Balla, i tërhoqi vëmendjen kryeparlamantares Nikolla, duke i thënë se si gjithnjë, në rastin e Bashës, lejon shkeljen e rregullores së Kuvendit.
Basha iu përgjigj duke thënë se “nuk ka rregullore mbi fjalën e opozitës”. /tesheshi.com/
