Vaksina COVID-19 ka një efekt pozitiv në shëndetin mendor të amerikanëve të imunizuar, edhe pas dozës së parë, njoftoi Universiteti i Kalifornisë Jugore.
Hulumtimi, i financuar nga Fondacioni Bill dhe Melinda Gates, u krye në rreth 8,000 amerikanë.
“Vaksinimi mund të përmirësojë cilësinë e jetës, performancën në punë, t’i lejojë njerëzit të rifillojnë aktivitetet normale, të bëhen më aktivë në shoqëri, të kthehen në zyrë ose të gjejnë një punë,” thanë shkencëtarët.
Qendrat amerikane për Kontrollin dhe Parandalimin e Sëmundjeve thanë se “masat e shëndetit publik, të tilla si distanca fizike, janë të nevojshme për të luftuar pandeminë”, por gjithashtu se “ato krijojnë një ndjenjë izolimi dhe vetmie tek njerëzit dhe mund të shkaktojnë stres dhe ankth”.
Vaksinimi mund të parandalojë këto pasoja të dëmshme, duke përfshirë një “mungesë kontakti intim” që ekspertja e Sorbonës Louise Kirsch dhe kolegët në University College London thonë se janë “të lidhura me ankthin e shtuar dhe vetminë më të madhe”.
Studimi Kirsch, i kryer gjatë mbylljes së parë vitin e kaluar, tregon për “rolin e rëndësishëm të kontaktit ndërpersonal dhe veçanërisht intim në kohë stresuese”.
“Kontaktet intime, në krahasim me ato miqësore dhe profesionale, u mohuan më pak në pandemi, por ishte kjo e fundit që u tregua më e rëndësishme për shëndetin psikologjik,” tha studimi. /sarandacity.al/
