Kandidatët Jolio Dine dhe Ina Zhupa kanë zhvilluar një takim elektoral në fshatin Shalës me banorë të njësisë Administrative Markat.
“Në qeverisjen e Partisë Demokratike zotohemi t’i kthejmë lulëzimin e dikurshëm Bashkisë Konispol. Ajo që nuk u bë në 8 vite, nuk mund të bëhet me premtime boshe në 20 ditë nga qeverisja e majtë”, është shprehur kandidati Dine pas këtij takimi në rrjetet e tij sociale.
Në këtë takim janë diskutuar disa nga problematikat e zonës ku banorët shqetësimin e tyre kryesor kanë rimbursimin dhe ndihmën e munguar nga qeverisja.
Megjithatë në këtë takim vihet re që asnjë prej banorëve nuk ishte kujdesur në këtë situatë epidemologjike për të mbajtur një maskë. /sarandacity.al/
