Me rastin e ditës së ekuinoksit pranveror, u zhvillua në Ksamil në Qendrën e Artit “DEA”, aktiviteti i ditës së poezisë dhe muzikës.
Ky aktivitet u organizua nga i shumënjohuri ikonë e muzikës shqiptare, kompozitori Limos Dizdari.
Merrnin pjesë poeti Hekuran Halili, poeti Timo Mërkuri, Bardhyl Maliqi, poetë, krijues dhe muzikantë të njohur nga rrethi i Sarandës.
Në këtë eveniment u fol për poezinë dhe rolin e saj në jetën tonë, sidomos tema e dashurisë e trajtuar nga çdo poet sipas krahinave të çdo zone; Çamërisë, Labërisë dhe Bregdetit dhe si është shprehur ajo nëpër gojëdhënat e popullit.
Secili poet recitoi poezitë e tij për temën e dashurisë.
Violinisti Genti Xuxi së bashku me të birin e tij interpretuan në violinë pjesë nga Johann Sebastian Bach. /sarandacity.al/
