Policia e Sarandës ka arritur ta bëjë zap personin i cili, nën kërcënimin e një thike, tentoi të grabiste një grua në bankomatin e BKT-së në qytet. Ai është Jorgo (LeonardP Kumaraku nga Livadhjaja, 44 vjeç.
“Shërbimet e Komisariatit të Policisë Sarandë, pas marrjes së njoftimit se në lagjen nr.1, Sarandë, pranë bankomatit të një banke, një shtetas nën kërcënimin e një mjeti të mprehtë (thikë), kishte tentuar t’i vidhte një shumë parash shtetases A. N., 34 vjeçe, kanë organizuar punën për identifikimin dhe kapjen e autorit.
Si rezultat i veprimeve të shpejta hetimore dhe profesionale, Policia bëri të mundur identifikimin, kapjen dhe arrestimin e autorit të dyshuar, shtetasit J. (L). K., 44 vjeç, banues në Livadhja.
Materialet i kaluan Prokurorisë pranë Gjykatës së Shkallës së Parë Sarandë, për veprën penale ‘Vjedhje me dhunë’, mbetur në tentative”, thuhet në deklaratën e Policisë. /sarandacity.al/
