Tjetër “frikë greke” ndaj afganëve në Shqipëri

Duket se eurodeputet grekë nuk janë prekur aspak prej dramës që ka ndodhur ditët e fundit në Afganistan, si dhe shqetësimit në rritje të rikthimi i talebanëve në pushtet mbas 20 vitesh.

Eurodeputetja greke e Demokracisë së Re, Ana Mishel Asimakopulu,e cila mban njëkohësisht edhe postin e zv.kryrtares së Komisionit të Tregtisë Ndërkombëtare të BE, ka kërkuar informacion urgjent prej Tiranës zyrtare, Këshillit të Europës dhe Parlamentit Europian, sesa do të jetë numri final i afganasve që do të strehohen në Shqipëri, ku do të strehohen, sa kohë do të qëndrojnë, dhe nëse prania e tyre pritet të përkeqësojë të drejtat e minoritetit etnik grek që jeton  prej vitesh, siç ka theksuar ajo, nën “presionin” e autoriteteve shqiptare.

Shqetësim mbetet thotë ajo, nëse prania e tyre në Shqipëri, do të shtojë fluksin e emigrantëve që do të tentojnë të hyjnë në Greqi nëpërmjet kufirit dypalësh.

Siç raporton dhe komenton TCH, interesimi i eurodeputetes greke ka sjellë jo pak habi në qarqet e parlamentit europian, të cilët thonë se vendimi i kryeministrit shqiptar Edi Rama për strehimin e rreth 4000 refugjatëve politikë të ndjekur prej talebanëve është një akt human dhe solidariteti për t’u admiruar, dhe në këtë vendim nuk ka aspak asnjë gjë për t’u shqetësuar, sepse vendi unë ka firmosur të gjitha kartat në mbrojtje të minoriteteve, ndërsa nuk ka asnjë referencë për presion ose shkelje të të drejtave të minoriteteve. /sarandacity.al/