Një autobus me targa të Kosovës, i cili po udhëtonte drejt Frankfurtit nga Prishtina, ka pësuar aksident të rëndë duke dalë jashtë rrugës afër Slavonski Brod në Kroaci, më pasojë disa jetëhumbje.
Autoritet kroate kanë konfirmuar se deri më tani të paktën dhjetë persona kanë vdekur gjersa dhjetëra të tjerë kanë pësuar lëndime.
Kreu i Mbrojtjes Civile të Kroacisë, Damir Trut, i cili ishte në vendin e ngjarjes, dha këto detaje:
“Kishte 67 pasagjerë dhe dy shoferë në autobus. Për fat të keq, 9 pasagjerë dhe një shofer mbetën të vdekur”.
Ai ka pohuar më tej se “44 pasagjerë u pranuan në spitalin e Slavonski Brod. Tetë prej tyre janë në gjendje të rëndë, katër u operuan. 14 pasagjerë dhe një shofer janë në stacionin e policisë, në pritje për t’u akomoduar në një strukturë të siguruar nga qarku”.
Dyshimet e para mbi shkakun e aksidentit sillen rreth përgjumjes së shoferit. Zakonisht, rrugëtime të tilla bëhen me dy shoferë, të cilët dublojnë njëri-tjetrin pikërisht për shkak të lodhje-shplodhjes.
Për ironi, ka shpëtuar shoferi në timon e ka ndwrruar jetë kolegu i tij në pozicion pasagjeri. Ndërrimi i tyre ishte bërë 30 minuta para aksidentit. /sarandacity.al/
