Tre heronjtë e Sarandës dalin nga fonderia: ja në ç’hapësirë të qytetit do “banojnë”

Vasil Laç̧i, Lefter Talo e Mitro Xhani, tre Heronjtë e Sarandës, pritet të kthehen në Sarandë me bustet e derdhura në bronz, një investim i Bashkisë Sarandë. Mësohet se vetëm para pak ditësh, ka përfunduar puna edhe në fonderi dhe pritet që këto ditë të udhëtojnë drejt Sarandës.

Autorët e angazhuar: Niko Godroli për Vasil Laç̧in, Kreshnik Xhiku për Lefter Talon dhe Emanuel (Sali) Koko për Mitro Xhanin, i punuan portretet e heronjve me dashuri.

Projekti për bustet e Tre Heronjve, mësohet se është iniciativë e Kryebashkiakut Adrian Gurma, qysh prej nisjes së mandatit të tij qeverisës.

Megjithë bllokimin e procesit për shkak të pandemisë, bustet tashmë janë realizuar si punë cilësore dhe kemi ardhur në ditën kur do të ndodhë transportimi i tyre drejt Sarandës.

Ndërkaq, mësohet se paralelisht specialistë të fushës kanë bërë parjen e fundit të hapësirës në segmentin buzë shëtitores së re, ku mendohet të zenë vend bustet e Tre Heronjve.

Sarandacity.al ka mësuar se hapësira e përcaktuar është në afërsi me skulpturën “Vjelëset e portokajve”, që i ka qëndruar kohërave dhe ndryshimit të konceptit mbi skulpturën e parkut. /sarandacity.al/

Tags: Kryesore